現年43歲的梁競徽（前名：梁烈唯）近年轉戰內地市場搵人仔，經常係微博和抖音分享日常生活及展現愛國嘅心。最近佢身在浙江湖洲度假，上載一段泳池耍樂嘅片段，不過片中嘅佢驚現M字額同肌肉「失蹤」！
梁競徽被指似李子雄
梁競徽喺前日（5日）上載短片，片中梁競徽只穿泳褲上陣，並且梳咗一個all back嘅髮型。開頭佢只係池邊擺甫士，之後再同友人嬉水及翻身跳入泳池，睇落佢玩得相當盡興。不過唔少網民都將重點放喺佢嘅M字額上，因為佢喺池邊擺甫士嘅all back髮型，明顯睇到佢髮綫向後移，留言話佢髮綫後移及肌肉消失「你的髮際線…」、「哥，之前髮際線不是這樣的吧」、「這髮際線，無法了」、「哥哥髮際線有點高」、「哥哥的肌肉消失了」、「你的腹肌呢」、「好身材不見了」及「肌肉唔見咗」等等。另外，仲有網民話佢好似電影《英雄本色》嘅大哥成（李子雄飾）。
