梁詠琪(Gigi)今日（26日）出席香港防癌會活動《愛的冒險罐》香港版發布會。（娛樂組攝）
梁詠琪(Gigi)今日（26日）出席香港防癌會活動《愛的冒險罐》香港版發布會，Gigi接受訪問透露女兒現階段已經不需要聽媽媽講故事，她繼續指女兒分享上學不喜歡與男同學玩耍。
梁詠琪指自己並沒有考慮生第二胎。（娛樂組攝）
透露奶奶是癌症病患者
Gigi在台上分享奶奶是癌症病患者，她回應：「啱啱嗰陣時係疫情時間，擔心又更加多咗，因為佢成日要出入醫院，都唔可以成日探佢，但係有視訊，每一日都會同佢視訊睇吓佢去到咩階段，會唔會有一排開始冇頭髮，都會好坦白咁講俾我哋聽，喺咁遠嘅地方點都會擔心，起碼佢唔會收收埋埋唔講，我老公當然會擔心，咁我哋中間都有返過去，都好幸運已經好返，都克服咗化療藥物。」她指奶奶現階段的病況穩定。
梁詠琪在台上分享奶奶是癌症病患者。（娛樂組攝）
梁詠琪聞方媛懷第三胎大讚郭富城好勁
講到好友郭富城證實老婆方媛懷第三胎，她說：「恭喜恭喜，行內亦有小朋友就恭喜佢哋，就買BB衫俾佢哋，覺得城城好勁呀！」被問到會否考慮生第二胎，她則坦言現階段並沒有打算生第二胎。
梁詠琪回應《八個女人一台戲》拖足七年還未正式上映。（娛樂組攝）
回應《八個女人一台戲》被嘲都市傳說
提到主演的電影《八個女人一台戲》拖足七年還未正式上映被嘲都市傳說，她說：「又變咗都市傳說啦！我已經唔記得咗呢一套係咩戲？講笑啫。真係有啲耐啊。唔緊要啦！大家期待吓啦！希望大家都仲會有期待嘅熱度，唔好擺得太耐就真係冇咗㗎啦！我都真係好想睇。」
