森美在「柴房」做運動，其間不小心凸點兼露出一節士啤呔。
本港第五波新冠疫情持續，商台早前亦相繼爆疫，不少電台DJ先後宣布確診。森美近日亦留在家中開咪主持節目，為穩陣起見，他選擇在「柴房」生活，與家人保持距離，日前他就貼出在房內砌模型車的相片解悶。
森美昨日再分享了一條在「柴房」操弗的短片，片中見他臉上長滿鬍鬚，並穿上一緊緊身運動衣，其間不小心凸點兼露出一節「士啤胎」，相當搶眼。森美寫道：「有人問我每日做咩運動（其實冇人問），不如同大家分享下（其實分享唔到），好啦我拍低畀你睇啦（冇咩好睇啦），就知辛苦啦（30分鐘咋喎），毅力係成功嘅關鍵（又談唔上），好去片（快啲like完就算）#柴房健身 #真正健心 #hiit。」不少網民都留意到森美現腩，並留言笑指：「士啤肽出晒嚟呀大哥」﹑「凸點兼現腩」、「森美大哥有小肚腩」 ，更建議他：「不如睇吓鬚，望落去好頹 」。
