楊洛婷自言呷囡囡醋，因而半夜出Story洩憤。
樂隊Dear Jane主音Tim（黃天翱）與前港姐楊洛婷於2014年結婚，多年來兩公婆出名恩愛，點知楊洛婷於凌晨時份在IＧ限時動態以黑底白字寫：「My husband cheated on me」，更tag了Tim，疑似自揭老公不忠，不過網民發現公開後十多分鐘，楊洛婷隨即把Story刪走，令事件變得撲朔迷離。
親解原因
40歲楊洛婷為Tim先後誕下一子一女，日前楊洛婷才公開與丈夫帶同4歲囡囡Faith去食Pizza的溫馨照片，又自言輸了給丈夫的前世情人，怎料事隔幾日即爆出老公偷食疑雲。對於疑似指控Tim出軌，楊洛婷今日終於回應，聲稱只是講笑，解釋是囡囡全晚黐住Tim瞓覺，加上B仔又喊足兩個鐘，要自己一個半夜湊仔才一時燥底，一時呷醋才半夜出Story洩憤，但見玩得過了火已即時把該限時動態Delete。
老公補鑊
至於Tim都在下晝作出回應，他在自己Story貼出太太已刪Po文並寫：「哎呀。唔好意思。我都係喺凌晨唔覺意攬住咗個女瞓着咗。跟住呀仔焦敵大叫，我係老婆都忟啦。」Tim最後還補鑊跟愛妻講「I love you」，相信老婆聽完都即刻冧晒啦！
