2021-12-06 21:00:00

楊潮凱因《那些年》執導筒用6年時間追夢含淚多謝家人

日前楊潮凱作客TVB娛樂新聞台節目《StarTalk》，接受主播許文軒(Edmond) 專訪，大談首次執導電影感受。潮凱稱與另一導演兼同學吳詠珊拍攝青春片原因是因為看過《那些年我們一起追的女孩》後甚有感受，他說：「世界各地都有青春片，點解好似香港冇，而且2003年係好值得我哋香港人記住嘅一年，正正嗰年SARS我好記得自己戴住口罩去會考，所以作為我第一套戲，我好想記錄呢個時段。」

電影勢要起用新人

楊潮凱分享起用新演員原因，他說：「2018年成日都聽到啲人話電影界青黃不接，我心入面好唔憤氣，你哋都唔俾機會新人，佢哋梗係做唔到獨當一面，呢樣嘢擺喺我個心好耐，所以開拍之前我話一定要用新人，所以搞咗個Open Casting，見咗二百幾位女演員，首先定左楊偲泳，但一直未搵到另外一位演員，譚善言唔係頭兩轉Casting，之後聽返佢講佢係透過《點五步》監製自薦嚟 Casting，見到佢獨特嘅性格後就決定用佢。」

楊潮凱提及家人感觸落淚

談到花了六年時間成為電影導演，楊潮凱邊說邊哭成淚人：「多謝屋企人，有訓練班開始到拍第一套電影，真係好難行，佢哋好支持，爸爸媽媽好擔心我嘅生活問題，我又未必畀到好好嘅生活佢哋，我覺得自己虧欠咗佢哋，好開心首映睇完之後，佢哋話好自豪有我呢個仔！」潮凱亦感激太太一直在身邊，他說：「識咗太太好耐，成個過程佢都見住，睇住我拍戲時候承受嘅痛苦。能夠得到團隊、家人同觀眾嘅支持同認同，好感觸。」