鄭欣宜一連三場紅館演唱會今日開鑼，日前有傳MIRROR成員盧瀚霆(Anson Lo)擔任頭場嘉賓之後，黃牛票急升至三千元。欣宜本身非常喜歡Anson Lo，她在介紹對方出場時表示「我真係好鍾意佢！佢多才多藝！又拍劇又拍電影，唱歌又好聽，跳舞又勁啦！佢一舉手一投足都好得睇。」全場已經尖叫聲不斷，之後欣宜更著在場觀眾人士一齊起身迎接對方。
Anson Lo為欣宜抹汗。
Anson Lo為欣宜印汗
Anson Lo以一身白馬王子造型升上舞台，與欣宜合唱《不可愛教主》。二人合唱完後，Anson Lo自我介紹，並著大家為欣宜鼓掌，此時欣宜已經掩著口彎低腰甜笑，「好多謝你嚟！夢想成真呀！我講緊係可以開到自己個騷，仲要係四面台。」Anson Lo之後問她的飲水位在哪裡，然後走到台下抽出數張紙巾為對方印汗，搞到欣宜不知如何是好︰「你唔好咁啦！你咁搞法，我冇晒形象喇！」但Anson Lo表示欣宜仍然很有型，她再甜笑說︰「係咩，好衰㗎！喂呀！」
Anson Lo：我本身就係禮物！
Anson Lo談到為何自己雙眼水汪汪，他表示很感動︰「我係有一種感動嘅感覺，同你識咗年幾，我只係識你年幾，都已經感受到你對事業同音樂嘅認真。今日我上到台彩排，我係衷心覺得你終於做到你想做嘅感覺！真係好開心！我作為後輩都戥你好開心！我好似同你一齊經歷好多咁！」欣宜續說︰「其實我唔係大你好多啦！」Anson Lo接住說︰「好多謝你邀請我，呢晚好MAGICAL，好似同你PILLOW TALK咁，你每首歌都係講緊你嘅故事！」 欣宜續問為何對方做嘉賓沒帶任何禮物，Anson Lo說︰「我本身就係禮物！」之後欣宜把舞台交給Anson Lo，他唱出新歌《King Kong》。
欣宜一向視Anson Lo為「老公」。
欣宜稍後將與Anson Lo合作開騷。