香港人一向鍾意去日本旅行，自日本喺上年10月放寬入境限制後，唔少港人都急急腳「返鄉下」。講到去東京旅行，淺草一定係大家必去嘅景點之一，早前歐錦棠前往日本拍攝ViuTV劇集《打天下2》，而佢趁住空檔外出閒逛。近日歐錦棠不時喺社交網站出PO寫上今次嘅行程感受，其中包括力數淺草三宗罪，引起網民熱烈討論。
飛到日本拍攝《打天下2》外景戲嘅歐錦棠，趁住空檔外出去淺草閒逛，日前佢喺社交網站力數淺草三宗罪（包括遊客著和服不顧儀態、大聲講嘢造成噪音滋擾、及餐廳收費貴），聲稱自己呢世唔再去，及指該處俗不可耐。
網民紛紛表示認同
此PO一出，唔少網民都紛紛留言表示認同，例如「遊客區？劏客區而已」、「本身就好怕去淺草，遊客太多」、「文筆流暢一針見血棠哥好嘢」、「棠哥講得太傳神了，去過一次真係唔想再去了，俗不可耐。或者，逛是可以的，須等遊人散去，商店關門之時去，個feel先返黎」、「不能再同意」及「好似觀塘放工，人流如潮湧！」等等，有網民就建議深宵時間先去，感覺會比較舒服。
原文刊登於 Yahoo娛樂LOL，am730獲授權轉載
