家燕姐今個母親節過得很開心，大女就透過視像與她慶祝。
今日是母親節，圈中不少媽媽在社交平台分享全家福或跟子女的合照，家燕表示一早與子女去飲茶，收到蛋糕及花束。她稱孫仔昨日特意提醒媽媽準備鮮花，家燕姐大讚乖孫好叻仔！
家燕姐說︰「孫仔真係細細個就識氹人，同我一齊切蛋糕唱生日歌，仲－齊講『媽咪母親節快樂』，即刻心都融晒！」由於大女正身在加拿大，大家只好透過FaceTime隔空慶祝。她稱工作忙過不停，子女們都叫她「多啲休息、飲多啲靚湯、得閒行街睇戲」，要抽時間讓自己休息，享受生活。
她說︰「後生嗰陣湊大三個仔女唔容易，𠵱家見佢哋個個事業有成仲識反過來照顧我，真係好安慰。」問到母親節願望？她冧爆表示：「最緊要仔女健康快樂，得閒陪我飲下午茶講心事，已經係最好禮物！」
《薛家燕愛你無限66》出道66周年派對將於5月25日在灣仔會展舉行。
她透露近日忙於5月25日在灣仔會展舉行的《薛家燕愛你無限66》出道66周年派對。她已密鑼緊鼓排練，她說︰「特別訂造咗套華麗古裝，仲請到吳若希、莊錠欣同埋一眾圈中好友著古裝crossover，到時有排舞又有驚喜環節，保證耳目一新！」
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
