毛孩被冷血無情主人棄救惹網民關注 AK、Tyson Yoshi齊發聲
流浪動物救援組織「毛守救援」，成立多年嚟拯救咗唔少動物嘅生命。喺噚日（30日）佢哋就發布兩條影片，講述一宗冷血不負責任嘅主人棄救毛孩，導致毛孩黯然離世嘅悲劇。事件揭發後，隨即引起網民高度關注，連藝人AK及Tyson Yoshi都有留言關注事件。
「毛守」創辦人Kent承擔所有醫療費
喺片段中，年邁狗狗「毛毛」身體狀況有異，所以喺主人及義工協助下被送到動物診所，經醫生檢查後表示，如果急救嘅話就要即刻做過萬蚊嘅手術，不過主人聽到後即時拒絕，直言無法負擔手術費用，並打算放棄救「毛毛」。
最後「毛守」創辦人Kent報警，對方簽下放棄毛毛嘅證明書，而Kent就承擔所有醫療費。雖然醫生盡力搶救毛毛，不過可惜最後黯然離世。影片出街後，引起網民高度關注，唔少網民留言鬧爆主人及心痛毛毛，甚至連AK及Tyson Yoshi都有留言關注事件。
原文刊登於 Yahoo 娛樂圈
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
