江若琳今日與老公蕭唯展（Oscar)和兒子（Owen）一家三口一起出席《6.1國際兒童節開心派對》活動。（娛樂組攝）
江若琳今日與老公蕭唯展（Oscar)和兒子（Owen）一家三口一起出席《6.1國際兒童節開心派對》活動，她接受訪問表示：「其實今日個活動係原本我同仔仔出嚟，但因為我老公要負責揸車，如果老公唔喺度我就冇可能咁自由自在做訪問。」她透露兒子即將會在八月開學，並笑言：「可能即將會展開瘋狂返學嘅人生，希望八月之前嘅時間都可以陪佢周圍去旅行。」她指下星期即將會與兒子出發去新加坡旅行。
江若琳透露十天後之後就會出新歌，並表示正在忙於舉行巡迴演唱會。（娛樂組攝）
對生B順其自然
講到較早前分享兒子相當喜愛嬰兒一事，她說：「其實老公同兒子都好想要BB，兒子天生就好鍾意小動物同埋BB，佢鍾意BB嘅程度去到遊樂場都會玩，好想照顧佢，就同我講話媽咪我可以餵BB飲奶，同埋陪佢瞓覺，令到我信心大咗，原來佢係一個好嘅哥哥。」被問到是否有計劃生仔，她表示：「不嬲都順其自然嘅態度，我就成日都覺得想等佢大個啲，仲難先可以重拾夢想，平衡我嘅事業同埋家庭，等佢大少少可以幫手湊嘅時候先考慮。」
江若琳指因為拍劇的工作離開兒子一星期，所以就要交由老公負責照顧。（娛樂組攝）
榮升媽媽後首次拍劇
提到最近是否投入拍劇工作，她說：「其實應該係投入我嘅音樂，但係拍劇就因為我遇到一個好嘅劇本，而個班底我好想合作，劇本又好大發揮，又唔會話離開個仔太多日，我好開心好耐冇一個拍攝嘅世界裏面，原來都幾親切，終於可以喺片場，好有歸屬感。」她指因為拍劇的工作離開兒子一星期，所以就要交由老公負責照顧。被問到音樂發展，她透露十天後之後就會出新歌，並表示正在忙於舉行巡迴演唱會，更大賣關子：「嚟緊會有一個大消息公布，就係八月左右。」
立即更新/下載AM730手機APP 體驗升級功能
