2025-08-24 21:05:03

江若琳演唱會｜余慕蓮坐第一行睇騷：食住營養奶粉而家精神返啲

現年88歲余慕蓮(魚毛)於2020年曾因肺纖維化要留院6個月，去年她再感染肺炎，曾悲觀表示︰「我覺得自己未必過到今年(2024年)」。現時魚毛要靠輪椅出入，已甚少出席公開活動。但今晚意外地現身旺角麥花臣舉行的江若琳演唱會。有工人姐姐陪伴的魚毛坐在第一行，而且精神不錯。

本報記者問她近況，魚毛表示：「我住喺附近，嚟睇(騷)都近，加上工人陪住，都可以。」她表示除定時食蘗，醫生叮囑要多進食。「醫生叫我盡量食多啲，人會精神啲，我而家每日都食營養奶粉，又會喺屋企附近做運動，所以精神幾好。」