沈震軒接受李珊珊YouTube節目訪問，大談入行初期的辛酸史。
現年42歲的前TVB小生沈震軒（Sammy），2016年參加歌手比賽入行，浮浮沉沉多年，直至2014年憑TVB劇集《使徒行者》中飾演連浩勤（Kobe）終成功彈起，更踏入內地市場，曾撈得風生水起，不過，隨着市道低迷，沈震軒早前就被揭揸Uber做司機幫補家計。日前，他接受李珊珊YouTube節目訪問，大談入行初期的辛酸史，更自爆當年收入僅得6千元，生活緊絀。
沈震軒透露入行初期，曾做帶嘉賓上台的禮儀先生，月薪只得6千元。
沈震軒初入行時，事業並非一帆風順，他透露曾做過6、7年負責帶嘉賓上台的禮儀先生，而每月人工就只得6千元，當時他選擇租住尖沙咀4千元劏房，剩2千元用作生活費：「我當時都有啲朋友，真係唔夠就會問人借錢，另外亦有一啲Part-time工作，呢度慳啲嗰度慳啲，但我每日都只可以使50元，一定唔可以過呢個數。當時喺旺角，有間燒味舖一個飯盒連湯只賣廿蚊左右，我買兩、三個飯盒擺喺房個雪櫃，過到㗎其實。」
沈震軒指當時雖然收入很少，但能夠追夢非常開心，而在娛樂圈浮沉多年，直到有機會參演處境劇《畢打自己人》，更做了200多集，成為了他人生的轉捩點：「有次我同《畢打自己人》嘅演員一齊去慶功宴，當時我同啲演員已經熟，珍姐（曾勵珍）突然同我講，嚟緊會調我到劇中雜誌社，有自己第一個角色，我記得其他演員包括毛姐（毛舜筠）、江欣燕等都恭喜我，我真係好感動。」而最近沈震軒亦有新嘗試，自編自導自演，推出短劇《車廂擺渡人》，更找來不少圈中好友參與。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
