洪卓立近年飽受健康問題困擾。
洪卓立（Ken）相隔四年，今日(15日）再推出全新單曲《重返彌敦道》，新歌歌名似是向自己的代表作《彌敦道》致敬。而Ken指新歌是他失聲與癲癇症後，重新出發的音樂宣言。
Ken近年飽受健康問題困擾，除了失聲，2021年在內地拍劇時，亦曾經全身抽搐，他表示：「幾年前失聲後，冇諗過可以重返舞台，重新錄歌。喺發現會偶發性癲癇後，唯有停工，開始接受藥物治療。而服用藥物的副作用，亦導致非常容易腫脹。」Ken 因病令身形發脹，對於外界的種種猜測，他澄清：「唔係情傷，唔係放棄，反而係想尋找嘗試另一條道路。」
洪卓立指克服失聲後再患癲癇症 。
他又提到去年內地巡迴，有fans給了他啟發，「有fans話返俾我聽，佢有啲非常之唔好嘅念頭時 ，聽咗我嘅歌之後就打消咗呢個念頭；另外，一個有漸凍症嘅fans，奇蹟地捱過咗八、九年嘅時間，佢話俾我聽呢八、九年嘅時間其實都係聽住我嘅歌。」這些都令Ken 決心繼續唱下去，「就算有癲癇症、就算失聲、就算未必唱得好好，我都希望可以繼續唱，帶啲正能量俾大家。」
新歌找來黃偉文（Wyman）操刀，Ken表示：「感謝黃偉文先生將我近年嘅心路用文字為我表達，所以今次嘅歌曲簡介係我自己寫返，我諗應該冇人比我更了解呢首歌曲嘅感覺。」他強調：「《重返彌敦道》唔係眷戀往日所謂嘅美好，而係從呢度重新出發，翻開新嘅篇章。希望可以藉歌手身份帶嚟正面嘅能量，遇到困難唔好輕易放棄，我可以，你都可以。」 而新歌亦是由同公司師弟黃明德（Dark）作曲，Ken笑說：「感謝師弟Dark寫咗一首好好嘅歌俾我。我都好榮幸攞咗佢嘅第一次，佢第一次寫廣東歌賣俾其他歌手就係賣俾我！！」Dark則興奮謂：「Ken攞咗小弟人生第一次！有歌手要咗我嘅歌，仲要係同公司嘅師兄洪卓立先生，我係好興奮、好開心。」
洪卓立相隔四年再推出新歌。
立即更新/下載AM730手機APP 體驗升級功能
