Ad Block Ad Block
娛樂
2022-11-14 17:45:00

洪嘉豪演唱會|首開個人騷邀張敬軒做嘉賓:下次去紅館再請你 好友AK現身捧場

分享:
洪嘉豪首次開個人騷,以軒仔送贈的咪獻唱,感激不盡。 洪嘉豪首開個人騷,AK與Jace、Yanny和Oscar Lee齊齊捧場。

洪嘉豪(Kaho)首個個人演唱會《The Cycle of…Kaho Hung Live 2022》,昨晚(13日)於西九竹翠公園舉行尾場 ,曾在紅館舞台上贈Kaho靚咪的張敬軒擔任嘉賓,兩人合唱《騷靈情歌》,視Kaho如弟弟的軒仔表示:「我識佢嗰時佢連毛都未有!」Kaho就激動擁著軒仔哥哥,「上次你送支咪俾我,希望我可以喺自己個騷度用,我做到啦!我終於有自己嘅騷,請到你來做嘉賓!軒哥,你等我,下次我去紅館我再請你!」在首晚開騷只肯露少少的Kaho,在尾場終肯加送福利,拉起少少上衣360度再轉身,讓全場歌迷一睹其結實腹肌。昨晚MC(張天賦)、AK(江熚生) 、肥仔(梁業)、Jeffrey(魏浚笙)、白只、蘇麗珊、Jude(曾若華)、Jace(陳凱詠)、Yanny(陳穎欣)等好友亦捧場。

洪嘉豪一連兩場的個人演唱會囻滿結束。 張敬軒早在洪嘉豪讀小學時已認識他,視為Kaho為親細佬。
Ad Block

難以想像請到張敬軒任個唱嘉賓

Kaho坦言,其實一見軒仔身影已經想喊,但為免唱得失禮,唯有死忍,「我第一個騷好想同好重要的人分享第一次,軒哥,我識你20年,我點會估到有呢一日,可以請你做嘉賓,重要拎住你支咪喎……」軒仔搞笑回答:「好開心我支嘢可以晚晚陪住你……我剛同Kaho拍咗兩個月戲,佢平日喺劇組串串貢,今日做咩咁謙虛?我哋拍《超神經械劫案》,Jeffrey( 魏浚笙)、白只,仲有好多人,今晚幾乎成個劇組嚟晒撐你,勁呀你。」Kaho:「唔係呀,我邊有串,係白只佢哋搞到我咁。哈哈!」

嘉豪又跳又唱, 十分落力。 演唱會尾場,嘉豪大派福利,360度轉身騷肌。

視嘉豪如親細佬

軒仔形容,「其實Kaho對我來講,真係親生細佬咁,我識佢個陣佢毛都未有……哈哈,唔係,係中學都未讀,仲讀緊小學。每次講開Kaho,喺佢媽咪眼中呢個仔都係洪家驕傲,鋼琴又叻,有天份,之後佢讀演藝,你問我,喺Kaho音樂事業上面,我冇幫佢太多,今日佢企到喺台上,真係全靠佢努力同大家支持。你睇今晚直情好似去咗韓國睇音樂會咁,好靚!」

大讚嘉豪夠踏實

當Kaho換衫時,軒仔準備唱《櫻花樹下》時分享,「我真係好戥佢驕傲。Kaho演藝畢業之後,佢由低做起,做過舞台音響等等好多基層工作,佢唔同一般歌手,同齡新人,佢冇一份浮燥。我記得有一次我喺澳門開演唱會,我想落台聽下音響聲音,心血來潮我叫Kaho上台幫我唱試下聲,等我可以喺台下面觀眾席聽下,佢驚都冇驚過就載上Ear Mon,攞住我支咪就唱咗以下呢首歌,之後我每次再唱呢首歌,中間一些節奏及樂曲上處理,我都係跟洪嘉豪版本,同CD版有唔同,呢啲所有不同,都係由洪嘉豪而來,為大家送上以下呢首歌:《櫻花樹下》。」全場又再歡呼聲掌聲雷動。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受