Ad Block Ad Block
娛樂
2022-08-06 17:00:44

湯洛雯因胃炎休息一個月 自爆跟馬國明同居未試過嗌交

分享:
靚湯因胃炎已留家休息1個月。

靚湯因胃炎已留家休息1個月。

久未露面的湯洛雯(靚湯)近月甚少出席公開活動,就連社交網都接近一個月沒有更新。昨日(5日) 她終於蒲頭,現身主題活動,更透露月尾將到澳洲工作半個月,又自爆本想叫埋馬國明同行,但笑言對方留港可能會覺得很自由和開心。

活動上被問到與馬國明同居一事,靚湯表示早前因疫情嚴重,所以二人在將軍澳租屋同住,但後來隨住疫情緩和也經常各自回家,新屋可能租滿一年後就不續租。她亦提到跟馬國明同居未試過嗌交,大家都會互相遷就,更自爆有討論過結婚事宜,不過現在時世混亂,暫未想計劃婚事。

今日(6) 靚湯亦更新社交網,她貼出兩張自拍靚相,相中見她染上一頭棕啡色髮型,並謂因胃炎而休息了一個月,她寫道:「嘩,原來成個月冇post嘢,其實係因為之前胃炎,所以拍完劇之後,成個七月都喺度調理緊個胃,盡量休息做運動,所以基本上都冇乜點出過去,不過呢排好啲啦終於!即刻衝出去整吓頭染返個髮先」有網民笑言:「以為你呢個月去咗忙籌備婚禮」。

湯洛雯自爆跟馬國明同居未試過嗌交。

湯洛雯自爆跟馬國明同居未試過嗌交。

請接受以下私隱政策及免責聲明,以示你同意am730內之私隱政策及免責聲明。了解更多
接受