湯洛雯細妹湯樂瑤蘇梅島派福利 性感比堅尼騷索爆身材

湯洛雯日前與馬國明到泰國度假，順便慶祝情人節兼男友49歲生日，靚湯在社交網大晒二人邊睇日落邊撐枱腳的照片，雖然相片未見二人的身影，但就有網民在當地巧偶他們。旅程結束後，靚湯今日（18日）再晒出兩張度假靚相，並寫道：「Miss that sea and sky.」

原來靚湯的細妹湯樂瑤（Cassandre）近日亦到蘇梅島旅行，Cassandre今日亦在社交網大晒泳照，相中見她以白色比堅尼上陣，大騷驕人身材，非常性感兼吸睛，網民紛紛留言激讚：「二月IG最強body」，「兩姊妹都咁索」，更有人指Cassandre身材更勝湯洛雯。