澳洲小天王Ruel巡唱香港站昨晚在九展Music Zone舉行。
澳洲小天王Ruel展開「4th Wall World Tour 」，香港站昨晚在九展Music Zone舉行，香港女團COLLAR成員Marf邱彥筒，擔任表演嘉賓，並合唱歌曲《SOMEONE ELSE’S PROBLEM》。
首次跟外籍團隊合作，Marf直言既興奮又難以置信，並表示：「事緣我前日先知道Ruel嚟香港開騷，於是我問經理人可唔可以買到飛睇，點知下一個收到嘅訊息，反問我有冇興趣做今次嘉賓，當時我係開緊工，見到呢個訊息，忍唔住驚喜到落淚。」Marf絕對是Ruel的小粉絲，她早於4、5年前已留意Ruel的作品，最喜歡對方兩首歌曲《Face To Face》及《Painkiller》，Marf說：「好欣賞佢好盞鬼嘅idea，而我日常聽歌亦喜歡輕快歌曲，聽一啲令自己舒服同有動力嘅歌，Ruel嘅歌曲正正就是我鍾意嘅感覺。」作為小粉絲，難得見到偶像，Marf又會跟對方傾談甚麼？Marf笑說：「初次見面，佢畀我感覺好easy going，而我第一句就問佢會唔會Stay Behind HK，佢同我講佢都唔清楚，我知道佢好努力要繼續籌備佢嘅巡唱。」
至於問到Marf何時再出單飛歌曲？她指COLLAR即將會有一連串的工作計劃，包括推出團歌、個人歌曲及不同活動，而她的個人歌曲亦籌備當中，歌曲類型以輕快為主，她表示：「想定立形象，畀人感覺到自己嘅能量。」
