煒烈談起失散多年的兒子時，多次表達盼望之情。(娛樂組攝)
《璀璨之城》開鏡禮今日(17日)在澳門舉行，有份參與拍劇的還有資深演員煒烈（原名劉永偉）。早前有一名叫Mic的網民貼出照片表示要尋父，而相中的父親正是煒烈，但事後Mic刪去帖文。其後有報道指Mic「怕將件事搞得太大」，所以匆匆刪除了帖文。
一名叫Mic的網民上載照片，表示要尋生父煒烈。
煒烈接受訪問時，坦言很想跟失散多年的兒子見面，並透露只有一位記者可以跟囝囝聯絡。他說︰「我仲未見過佢，梗係好想見啦！呢輪撞啱我喺澳門開工，咁個邊就要靠某一位記者，搵到佢先知可唔可以聯絡到我。」他指已經跟對方19年沒見面，對於Mic突然再出現，他坦言是非常開心，「我由佢出世直至到九歲，我有同佢聯絡同埋湊過佢，但因為後尾我同佢阿媽唔可以喺埋一齊，一路分開到而家，今年佢應該29歲。」
問到二人若見面，第一件事最想做甚麼，煒烈說︰「我會攬住佢，同埋問候吓佢咁多年嚟點樣，話晒都係自己骨肉，只不過唔係話我唔會負做父親嘅責任，我哋又唔可以話推晒俾佢(生母)，各方面都有錯。如果有機會見到，佢嗌我爸爸都真係幾開心，你話會唔會喊，我諗……因為我都比較剛強啲，喊唔喊真係講唔到。」
煒烈(右一)表示開心今次可以與一大班演員合作。(娛樂組攝)
煒烈表示上一次由一位記者相約雙方在西環見面，當他到達餐廳時，記者告之Mic不會出席，令他非常失望。他說︰「我都好失望，我話如果你(記者)約到佢的話，就即刻通知我。你問我掛唔掛住佢，我梗係掛，話晒咁多年冇見過，希望嗰位記者快啲搵到佢，依家只有佢搵我，我搵唔到佢。」
問到Mic的生母有沒有就今次尋父一事跟他聯絡，他表示沒有，雙方完全沒有任何交集，並透露當年分開是因為對方未定性。他坦言對Mic的生母有怨恨，「當時我同佢分開，我話你將個仔畀我，佢唔制，佢唔制我有咩辦法啫，我有盡老竇責任，佢(生母)問我攞親錢，我都有俾。係咪好複雜，其實唔複雜，佢(Mic)細個嗰陣，我都有湊過佢，到依家隔十幾廿年，我當然係好想見佢，想知佢依家點嘅樣，同埋問候下佢，我係好掛住佢！」
ADVERTISEMENT
立即更新/下載AM730手機APP 體驗升級功能
