熱氣球苦主何小姐曾在訪問表示做過不同工作，總之有錢的東西都會做。
因為熱氣球事件大受關注的何小姐(Botan又名Dreamy、Cody、Doris)人紅是非多，網上不停有苦主表示曾被她騙財，由多年前的口罩、基金會成員、Playgroup等等，收到不同苦主申訴的林作坦言自己原本無意理會，但奈何不停收到苦主報料，而且發現手法似有一個模式，質疑何小姐詐騙。他亦希望自己能幫到一班苦主，不想再有人受騙。
今日陳佩思開直播公開指責何小姐，及後何小姐到她的影片留言，再引來苦主留言質問，其中一名叫「阿明」的苦主更在帳戶公開昔日對話記錄，指何小姐會用「遲啲開到公司交返，公司開好就入職？頂住先？公司好快開到？」這類方法𠱁人入局，從二人互質的對話見到當時何小姐似是聘請「阿明」做司機管接送，但因為「阿明」收不足款項，一度告上勞工處，但奈何「阿明」因為沒有何小姐為他供強積金的證明，最後敗訴。
改名因風水 Playgroup退款必還
本報就事件聯絡何小姐，面對不同指責，她亦有回應。對於她不停改名，她回覆說︰「讀書果陣已經叫Cody，反而出咗黎做嘢，風水師傅叫我改名。Dreamy就係返香港之後一直用到依家嘅英文名。」問到是否已經還清Playgroup拖欠的款項，她說︰「我已經留咗我私人電話，嗰啲媽媽如果要退錢搵過我，我都退晒，有冇漏咗我真係唔知，因為從來都唔係我管財務，唔係我收錢。所有家長我都即時退。」並附上數張對話截圖，入面見到有過數證明，並見到何小姐回覆其中一人稱「之前公司負責財務走左去，我都唔知你哋未收到錢。」更著如有朋友未收到退款，可以與她聯絡。
稱以每月3萬5蚊請包車
至於在網上與「阿明」隔空開火的事，何小姐表示當時以每月3萬5千元找對方包車，「有需要先坐佢車，我自己call Uber一個月都唔需要2萬蚊，但當初佢表弟話佢失業，咁我話好啦，我就請埋佢，我俾咗40幾萬。之後點解無包佢車，係因為發現佢哋send嚟嘅單話要claim錢係唔合理。因為架車係佢自己，牌費、洗車費、架車所謂乜鬼費用，全部要我俾，我check到條數唔啱，就無再請佢哋。」
她續說︰「無再請佢哋之後，佢哋就話自己係我員工，又去勞工處，但勞工處就話佢哋唔係員工，只係自僱人士，係司機，包你架車用，一直都屈唔到我錢就唔憤氣囉！」
何小姐向本報提供一張截圖，上面列有「何小姐已付費用」共$418,500，入面細圖就見到有相信是她向人需否用車的訊息。
改口變5萬？斥對方屈錢
不過，何小姐之後又稱當時有計埋油錢，所以他們應該按月計是一個月5萬元。她說︰「因為係包車唔會話出糧咁，個個月有個穩定數字，所以協商係一個月5萬蚊，係包晒所有嘢，同佢哋講到明，但後尾佢哋又claim我其他錢，又告勞工處，但係件事唔合理。」她續指聘請一個司機只需要2萬幾蚊，「我就算自己坐Uber，一個月都唔需要2萬蚊，佢哋一個月收我5萬蚊連勞工處個官都覺得佢哋貪得無厭。佢哋想屈我假期、屈我強積金，由頭到尾都冇呢啲嘢！」
熱氣球何小姐有回應Part 2！認開多間公司搞埋廚餘機 煤氣公司否認有合作
何小姐回應指當時就包車事件雙方到勞工處對質，指對方最後沒有露面。
「阿明」在網上就指何小姐識玩法律漏圖。
ADVERTISEMENT
