MIRROR成員姜濤前日出席活動時暈倒,其經理人指他胃痛,加上現場環境侷促所致,經過休息後已無大礙。昨日MIRROR正副隊長Lokman(楊樂文)與AK(江𤒹生),接受本報訪問時,大爆姜濤頭暈腳軟的秘密。
Lokman和AK稱,已透過短訊問候姜濤,他稱現無大礙。AK說,「姜濤係我所認識嘅人裡面,最易暈車浪,就算5分鐘車程,都會感覺好侷、好易暈!加上胃部不適,噚日現場又好侷促先暈低,佢覆咗我休息一晚已經OK沒事。」Lokman補充,「其實姜濤好堅強、好硬淨,因為拍戲專注度太高,加上睡眠不足,一時鬆一鬆就暈低。」
讚姜濤肯訴心事好叻仔
談到姜濤深宵發文訴心事,令不少fans擔心他壓力太大,兩人認為姜濤只想抒發感受,是進步的表現。Lokman說,「其實佢願意分享自己感受係好事,佢平時好少講心事,近期識得IG Story分享,好叻仔,已經進步咗啦。」AK又大派定心丸,「佢有我哋兄弟在身邊,We are one and all!」