王丹妮以黑色寸頭look現身西九文化區出席「香港國際時尚滙展」活動。(娛樂組攝)
王丹妮(Louise)昨晚(1日)以一頭黑色寸頭look現身西九文化區出席「香港國際時尚滙展」活動，型格十足，她透露早前為新戲《營救飛虎》剷青剪平頭，並在社交平台分享短片紀錄剷青過程，其間一度眼濕濕，她自言爽快答應剷青演出，自覺沒甚麼大不了，「但當剃刀第一下剃落去，眼淚止唔住咁湧出嚟。」Louise笑言發現洗頭不用吹乾或整理，感覺很爽。談到老公羅孝勇和女兒對黑色寸頭的反應，「佢話我有啲似好有型嘅韓仔，我簡直覺得係至高無尚嘅讚美。」女兒則給媽媽滿滿的情緒價值，Louise笑言，「我一返屋企，囡囡就摸我個頭，話好似草坪，手感好得意，讚我好有型好特別，盡量心靈上支持，俾好多情緒價值我，好感恩。」
打戲比文戲更複雜
王丹妮表示在新戲演游擊隊成員，要埋伏敵人身邊，有時穿旗袍戴假髮的媽媽或姐姐，有時又要驍勇善戰的女戰士，是一個觀眾未見過的王丹妮。談到應付大量動作場面，她直言是大挑戰，「因為有連串動作，唔可以傷到對方，同時亦要保護自己唔好受傷，仲有表情管理，我覺得比做文戲更加複雜，很多嘢需要兼顧，都係新嘅體驗。」拍動作戲難免周身瘀受傷，Louise憶述一次膝「其中一場要翻過欄杆，喺兩條路軌中間跪低繼續開槍，可能我個人比較長，一翻過之後，膝頭跪落路軌嘅角落，膝頭爆開好痛，拍完揭開護膝，入面全部都係血，但貼住人造皮同消毒後，就繼續拍。」
