Ad Block Ad Block
娛樂
2022-12-01 15:27:23

王卓淇被指撞樣屯門娜娜 秒曬長腿照及素顏影片力證無整容

分享:
王卓淇

「屯門娜娜」董幸兒於TVB歌唱真人騷《中年好聲音》首集(27/11)登場,不過半鹹半淡嘅廣東話加上唔記得歌詞,聽到評判肥媽皺晒眉頭,最終未獲任何一盞燈,被即時淘汰。屯門娜娜當日以露腰裝扮、紮上兩邊髮髻造型出戰;有網民就表示屯門娜娜與2014年港姐亞軍王卓淇(Erin)撞樣,更指王卓淇對比選港姐時期,個樣愈變愈怪,彷如整容變面;王卓淇就於IG作出兩舉動反駁網民。

即睇王卓淇照片

王卓淇 王卓淇 王卓淇 王卓淇 王卓淇 王卓淇
Ad Block

否認曾經整容

王卓淇去年離巢TVB,轉戰內地做KOL,曾拍片大爆因為當時喺TVB嘅收入唔夠生活,租屋食飯都成問題所以有所決定。王卓淇過去屢被質疑整容,但佢就曾公開否認,又指自己呢輩子都無整過容,只係識得化妝及P圖。對於呢次網民話佢似屯門娜娜及質疑整容,王卓淇於社交平台分享長腿照,並寫道:「看來你們已經忘記我長什麼樣子了,沒關係。我來幫你們回憶一下~」。及後,更大方分享自己嘅素顏片力證自己無整容:「肯定化妝比較好看啦,大家輕踩,但做人最重要自信嘛。謝謝大家還記得我討論我哦,我答應大家以後P圖輕手d(啲)。」王卓淇又表示,上傳影片時被壓縮了不少,感覺更像磨皮,令皮膚變得更好,唔少網民都留言大讚王卓淇素顏好睇,指起碼都認到。

有網民指王卓淇與屯門娜娜撞樣

屯門娜娜 屯門娜娜 屯門娜娜 屯門娜娜

原文刊登於 Yahoo娛樂LOLam730獲授權轉載

請接受以下私隱政策及免責聲明,以示你同意am730內之私隱政策及免責聲明。了解更多
接受