王君馨與老公Daniel Chang今年5月迎來新成Audrey。
39歲唱跳歌手王君馨(Grace)，2016年與拍拖11年的圈外男友Daniel Chang結婚，一直把工作放在重心的她，生B計畫不斷押後。直至今年5月，二人終誕下寶貝女Audrey。轉眼間Audrey已個多月大，作為新手媽媽的Grace今日(21日)宣佈坐月完畢，並拍片透露湊B辛酸。
Grace 開心表示：「終於坐完月啦！原來生完BB頭一個月會係咁辛苦，所以好想同大家分享所有辛酸和奇妙的時刻，點樣身心靈都可以保持健康，等你們感受一吓做新手媽媽的體驗！」
揈頭超痛
Grace透露坐月過程中最不容易是餵人奶，並表示餵人奶初期擠足1小時亦只得幾滴奶，她說：「去到第3日開始上奶，加埋頭兩日終於有60ml，啱啱夠Audrey可以飲一餐，當時我向Audrey present呢支係米芝蓮三星，希望佢好好咁飲，每一滴都會飲到媽媽對佢嘅努力同埋辛苦。」
她續指埋身餵人奶時超痛：「因為佢有時會咬住你個乳頭，跟住無端端喺度左右揈頭，真係超痛！」之後她請了一位催乳師幫手，並慨嘆餵人奶真的不容易。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
