曾經以作家身份走入電視台嘅王貽興，近年甚少幕前演出，離開TVB後最多只係喺2018年為ViuTV劇集《VR驅魔人》演出兼出任導演加編審，同埋演出Viu另一套劇《黑市》。唔做幕前，著作亦都減少，但係原來王貽興轉行教人紫微斗數。
睇王貽興facebook專頁，差唔多每個post都以術數角度提及近期熱話，例如呢幾日爆出《給十九歲的我》嘅紛爭，王貽興就話因為「今年係太陰化科 大家要小心女人，會有好多女人嘅紛爭同問題」。然後佢仲介紹埋自己教嘅紫微斗數入門班，2堂合共5個鐘收＄2380，以一個月開2班、一班15人計，全數爆滿的話每個月賬面有7萬幾蚊落袋，而且上堂地點由東九龍搬到去金鐘，似乎真係幾唔錯。王貽興提過教紫微斗數係期間限定嘅事，可能隨時唔再教，不過教吓教吓都教咗差唔多兩年，呢個「期間」都幾長噃。
