玩甚麼好呢｜韓綜主持與路不拾遺香港情侶重聚 推介地道美食獲網民大讚
韓國綜藝節目《玩甚麼好呢》每一集都有不同嘅主題，早前一集（270集）以「地鐵遺失物品篇」為主題，測試路人喺地鐵站執到銀包後會唔會交去失物認領處，好多人見到銀包都選擇視而不見，不過有一對來自香港嘅小情侶Jacob和Tracy就將銀包交到失物認領處，之後主持人們打算贈予禮品表揚二人行為，不過佢哋就想把禮物轉贈畀有需要嘅人，成為全港熱話。
節目出街後網民大讚：真說好香港故事
而最新一集（278集）嘅《玩甚麼好呢》，一班主持人就嚟到香港，仲同呢對香港小情侶重聚兼互送禮物，期間Jacob和Tracy就送咗好有香港特色嘅蛋撻俾主持人，仲同佢哋一齊食煲仔飯等地道美食。節目出街後，唔少網民紛紛大讚，例如「好過幾千萬搞熊貓經濟」、「呢啲咪真正「說好香港故事」囉。」、「香港好人好事。」、「真·說好香港故事❤️～」、「比找YouTuber 更親民」、「有啲proud of 佢哋👍🏻」、「👏👏👏真係好好！好有香港特色！希望更加多人喜歡香港」及「簡單地，但真真正正說好香港」等等。
原文刊登於 Yahoo 娛樂圈
ADVERTISEMENT
20周年「全城撐本地消費3重大激賞」！ 即睇活動詳情！
