左起︰胡美貽（Nicole）、黃紫恩（Jojo）、麥玲玲和蔡景行（行仔）
堪輿學家麥玲玲主持的全新清談節目《玲玲友情報》，逢周三晚11點J2（82台）播出。後晚（6日）一集主題是「出Pool」，「唔玩風水玩吹水」的玲玲姐請來戀愛教練Angus分享工作上遇到趣事，還找來J2er黃紫恩（Jojo）、胡美貽（Nicole）和蔡景行（行仔）齊齊吹吓愛情水。
從事愛情配對工作的Angus，經常遇到客人提出騎呢要求，玲玲姐亦自爆遇過不少有奇怪擇偶要求的客人：「我有個客話一定要搵個女仔鍾意食餃子，有個女仔就話個男仔一定要返著西裝嘅工！」玲玲姐開心Share完還忍不住警世地感嘆謂：「條件你自己Set啫，但真正遇唔遇到係另一回事。你Set到條件好高時，先望望自己，要求愈高，成功找到心儀對象機會就愈低。」
大家吹水吹得非常開心！
吹水期間，玲玲姐大爆老公當初擇偶條件亦相當不切實際：「希望將來另一半係超瘦，同埋預佢結婚後肥30%就啱啱好，呢啲就係怕咩就踩咩。」又大爆老公刻意挑選「平民餐廳」作首次約會撐枱腳地點，全因想測試約會女士人品和質素，豈料不但因而一度激到約會對象拂袖離座，玲玲姐亦吃迴轉壽司吃到扯晒火：「好麻煩，食住嘢都要不斷TUN位，嘩！真係想打人，好彩我個人唔現實啫。」自命「魔高一丈」的玲玲姐，又自爆首次跟老公約會節目是睇三級恐怖片，而且老公竟比她更驚青，相當驚爆！
玲玲姐同老公第一次約會就係睇三級片。
玲玲姐第一次與老公的約會餐廳是迴轉壽司，並指老公揀平民餐廳作為首度約會地點背後有重要原因。
節目中，J2er黃紫恩（Jojo）和蔡景行（行仔）更會鬥自揭及被揭單身真相，當中以Jojo最為不堪入目，自覺只是因「要求高」要出Pool無望的Jojo，竟遭工作人員圍插「太麻甩、太嘈、樣衰、成日亂噏、頭大身細、胸唔夠大、太過性感及講嘢太快」。Nicole則自爆與另一半撻著主因通常是同樣「瘋癲」：「我做嘢比較癲，咁我有一個係因為賽車，一個係因為夜蒲，然後玩到好癲冇Feel變有Feel。嗰兩個男仔都畀人覺得係癡線佬，咁啲人就覺得我係癡線婆。」