阿班好激動，珍妮花心諗：忍你。
天后珍妮花洛庇絲(Jennifer Lopez)與老公班艾弗力(Ben Affleck)由復合到結婚也經常被拍到一時甜蜜一時鬥氣，日前兩人又被影到有趣一刻。上周六，兩人在加勒比海島首府Gustavia的高級首飾店shopping，原本恩愛攬實有講有笑，點知珍妮花突然停步，阿班就開始發脾氣。
好唔情願幫老婆影。
阿班發完脾氣，仲望下頸鍊俾下意見。
阿班唔肯影相
從照片所見，珍妮花挨近櫃位同老公講要影相。一向脾氣暴躁阿班明顯唔想影，又舉手又摸頭向老婆訓話，珍妮花就好冷靜咁望住佢。最後，阿班攞手機影，影完就錫錫老婆。兩人離開首飾店後，又好恩愛咁攬住走。其實珍妮花脾氣都唔好得去邊，今次都算忍得。
阿班主動錫錫老婆。