2025-07-10 16:00:00

甚麼是喜劇︱Edward Chan融合音樂與港產喜劇陳柏宇馮允謙黃妍阿Dee Fatboy聯乘演出

資深音樂人陳浩然(Edward Chan)，將與普羅管弦樂團合作，將融合音樂、舞蹈和幽默故事，推出《Music and Laughs甚麼是喜劇》音樂會，為觀眾帶來一場前所未有的視聽盛宴。

至於參演本劇的演員，全是職業歌手，包括有陳柏宇(Jason)、馮允謙(Jay Fung)、黃妍(Cath)、何啟華(阿Dee)及梁業(Fatboy)，組成限定組合，他們將以各自獨特音樂風格，呈現多樣化的表演，並且特別向香港喜劇電影文化致敬，讓觀眾在笑聲中感受情感與共鳴。

提到香港的喜劇電影，周星馳是每位演員心中的經典。陳柏宇表示：「我哋都係睇周星馳大㗎嘛，我最鍾意係《賭俠》！而家諗返轉頭，唔係話因為邊句對白或邊個笑位特別好，而係因為呢啲喜劇代表住一個年代。今次音樂會，我會唱啲未唱過嘅歌……」黃妍最愛《家有囍事1992》的「無定向喪心病狂間歇性全身機能失調症」，她笑著說：「嗰幕真係好好笑，哥哥（張國榮）好靚仔，啲對白又好好笑，起碼睇咗10次，每逢新年都會睇。」

阿Dee認為喜劇的奇思妙想，能夠為生活帶來解釋，「我最鍾意嘅喜劇係《回魂夜》，我覺得喜劇好天馬行空，但係佢又搵到個好合理嘅解釋，去解釋佢天馬行空嘅世界。好多偉大嘅喜劇家都講過，『我嘅悲劇咪就係你嘅喜劇囉』。每個年代都有屬於佢嘅笑匠，我自己就好欣賞梁業。」

Fatboy就大讚阿Dee是好優秀的男人：「佢喺鏡頭前任人點欺凌都唔反駁㗎，或者佢想反駁都冇人理佢，呢個咪佢講嗰個『悲劇』囉！我自己最鍾意《唐伯虎點秋香》隊穿腸嗰幕，真係數唔到睇咗幾多次。喜歡喜劇冇話要咩原因，就係想氹人開心，好無厘頭都得㗎。」

Jay Fung表示，這次音樂會將有突破性的演出，不僅與其他藝人合作，也會展現不一樣的自己。

外國長大的Jay Fung，最愛西片《命運自選台》：「Adam Richard Sandler真係好好笑，嗰種小人物好日常，好笑背後仲好有意思。」他透露，將會在音樂會上為觀眾呈現不一樣的自己：「係突破性嘅演出，哈哈！今次除咗同Jason(陳柏宇)、黃妍合作，仲有阿Dee同Fatboy(梁業)，我覺得佢哋好搞笑，希望唔會唱唱吓笑到收唔到聲。」

音樂會將分為4大篇章，透過重新編排的曲風和詼諧的歌詞，展現喜劇背後的情感力量，曲風從管弦樂團的宏偉，到流行音樂的感性，每個環節都將深刻地觸動觀眾的心弦。這場音樂會都希望能讓觀眾在生活的不同時刻中，找到屬於自己的笑聲，並一起「笑住走下去」。