男神廚房｜鄭裕玲技癢晒軟功 錄影廠變瑜伽班房

由鄭裕玲（Do姐）和王菀之（Ivana）主持的無綫綜藝節目《男神廚房》，昨晚（22日）播出第10集，請來伍允龍、張馳豪（Aska）、李創偉（Catry）及林德信應戰，女神試食團成員則有擅長搞笑兼搞氣氛的伍詠薇、煮餸相當拿手的周汶錡，以及美女廚師Hilda。

昨晚的主題菜為「雞鴨鵝」，搞笑的是由於4名男神各有弱點，女神們挑選「處男廚神」時難以下定論；首先眾人鎖定刀功看似一般的Aska，唯獨周汶錡唱反調謂：「佢好有步驟，切嘢同安排嘅程序都ok㗎！」雖然周汶錡如此有信心，眾女神依然拿不定主意，經過多番觀察，最終決定將「處男廚神」頒給Catry，Do姐指Catry「死因」是食物賣相太差。

伍姑娘伍允龍落力搞氣氛

昨晚的節目除了伍姑娘落力搞氣氛，其「同鄉」伍允龍亦是綜藝能手，表情多多兼大耍真功夫，當周汶錡要求「打他一拳」時，他又甚為配合地做出「我快痛死了」的表情，逗得女神們相當開心。雖然搞笑，但伍允龍亦有正經面，他昨晚便大方分享首次險入鬼門關的經歷：「我拍第一部戲《少年阿虎》時爭啲死咗，嗰時我跟緊錢嘉樂做替身，場戲要我凌空轉身再面落地，但我轉早咗，條wire咁啱索住我條頸，好彩拉wire嘅師傅即時放手。」

另外，林德信亦晒瑜伽真功夫，期間Do姐忽然技癢表演超凡身手，由於動作夠敏捷兼柔軟度足，全場人士為之嘩然！之後錄影廠變成瑜伽班房，鏡頭後由Do姐輪流監察其他女神做瑜伽，形成了一幅有趣的畫面。