61歲畢佬與32歲女友Ines de Ramon年齡相差近1倍，但睇落又幾襯。
全片IMAX拍攝的賽車片《F1電影》(F1)即將上映，身為主角的畢彼特(Brad Pitt)剪了skin hair cut，正忙於宣傳新片。但忙極都要鬆一鬆，日前就拖住女友Ines de Ramon，約埋型佬畢列谷巴(Bradley Cooper)與Gigi Hadid到紐約Cote Korean Steakhouse食韓燒，兩對情侶幾乎一齊到達，記者圍影下4人急步進入餐廳。兩小時後，畢佬與畢列各拖另一半開車離開。
畢佬同阿湯合作有條件
荷李活兩大型佬湯告魯斯(Tom Cruise)與畢彼特出道至今曾合作一次，就是1994年電影《吸血迷情》(Interview with the Vampire)。但有傳當時阿湯害怕自己的地位受畢佬威脅，所以在片場互不理睬，有傳兩人至今心病仍在。
畢佬最近受訪時說到阿湯，大讚他為人好窩心。問他會否再合作。畢佬說：「我唔會學佢咁喺飛機倒吊，如果佢拍陸地戲就預埋我啦。」
