盧宛茵被誤認作楊千嬅
49歲嘅楊千嬅近年轉戰內地市場，除咗亮相綜藝節目及出席品牌活動之外，更舉行個人演唱會，人氣高企兼賺人仔賺到豬籠入水。近日有內地網民喺小紅書上載圖片，炫耀自己見到楊千嬅喺街頭拍劇，不過望真啲，原來係盧宛茵被誤認作楊千嬅，之後有網民回覆澄清，並有大量網民指楊千嬅老咗就係咁嘅樣。
盧宛茵被誤認作楊千嬅
盧宛茵嘅髮型及面形都被指同楊千嬅好似，所以喺拍攝劇集《隱門》嘅時候，佢已經被指係老版楊千嬅。近日盧宛茵就同林秀怡參與外景拍攝，點知有內地網民誤認佢係楊千嬅，仲上載照片到小紅書。雖然有網民回覆澄清，不過有大量網民都留言話佢係老版楊千嬅，例如「盧宛茵，楊千嬅變老版」、「楊千嬅」、「楊千嬅60歲版」、「老年版楊千嬅」及「70歲後的楊千嬅」等等。
原文刊登於 Yahoo 娛樂圈