2025-09-02 12:00:00

盧瀚霆Anson Lo首參加Waterbomb保守小背心上陣見粉紅海安心玩水濕身

MIRROR成員盧瀚霆(Anson Lo)日前赴新加坡出席亞洲音樂盛會Waterbomb，成為唯一及首位擔任表演嘉賓的香港藝人，昨午(9月1日)他由新加坡返港，大批神徒於機場守候接機。Anson Lo接受傳媒訪問時表示，作為Waterbomb的fans，從沒想過有機會參加此盛會。談到出席盛會的韓星都大騷腹肌，但他僅穿騷麒麟臂的小背心，他笑言，「第一次要安全啲，第二次冇今次咁safe，(下次係點？)如果有下一次，咁好彩有機會嘅話，大家就期待一啲大膽啲突襲啲嘅做法！」他慶幸為年底個演，早已開始「跑街」練體能，有足夠體能應付今次跳唱演出。

興奮射水炮花姐都濕身

Anson Lo在30分鐘的演出中，跳唱7首歌，包括首次公開演唱新歌《Lemonade》，他直言本來很緊張，但逾400神徒專程飛到新加坡撐場，當在台上看到粉紅色海，就很有安全感，「每次見到粉紅海…見到粉紅色衫嘅，自己嘅fans、神徒，就一定感覺好安全。花姐（經理人黃慧君）都話我好緊張，但我一上到台就即刻唔緊張喇！」他表演時拿著水炮向台下射水，玩得非常投入，連花姐都被射濕身，更完全聽不到神徒大叫「閂水」，Anson Lo笑言：「其實就算唔近個台都會濕，個水炮係大到，全個場所有嘢都會濕晒，我哋一落到台就好似滴水，好似喺個海度上返嚟！」他自言上一次玩水槍已是逾10年前的中學年代，並自爆爆綵排時，助手John為他拍片亦中招。完騷後，他重回去年巡演曾到訪的餐廳，驚喜遇見大批粉紅色衫的神徒，搞笑地變成小型粉絲見面會。