相隔16年出單曲開騷 鄧麗欣再戰樂壇

鄧麗欣(Stephy)、何嘉莉等，今日於中環出席時裝店開幕活動，曾成立個人時裝品牌的Stephy，自言置裝方面比較克制，有需要才購買，但都試過在法國豪花6位數買衫。談到工作動向，Stephy稱未來半年有片約及電視劇要開拍，並且有計劃展開音樂活動，她說：「會準備出單曲同埋計劃開個人騷，對我嚟講係件大事，因為對上一次香港開個人演唱會，已經係2007年嘅事。」Stephy由於電視劇要出埠開工，待拍攝工作完成後，會全心全意投入音樂創作，「再做音樂有啲壓力，所以要早啲準備」

何嘉莉唔捨得囝囝飛英國

有一子一女的何嘉莉，表示暑假來臨在即，兒子Jean要到英國參加遊學團，「今日Jean飛咗去英國參加遊學團，有啲唔捨得佢，不過老公會陪Jean過去，噚晚自己突然有啲淚光，個仔10歲大，咁耐姒嚟未試過離開我身邊咁耐。」她又指是要照顧女兒Raina，之後會飛英國接囝囝回港。