相隔5年,草蜢於下月26至29日再踏紅館舉行一連4場《RE: GRASSHOPPER CONCERT 草蜢演唱會2022》,門票於明天(8日)早上10時起城市售票網公開發售。草蜢請來合作無間的朱祖兒操刀為演唱會拍攝海報,今次顛覆傳統,以剪影代替草蜢大頭相,別具心思。
剪影頭像海報的設計構思,重點是捕捉草蜢跳舞的神髓,源於「草蜢」這兩個字,阿智解說:「朱祖兒話一提到『草蜢』,個腦就會Recall好多舞台表演、跳舞、唱歌嘅畫面,唔使真係見到我哋個樣,所以今次用呢個手法就係保留思考空間。」蘇志威笑說:「今次要摒棄我個靚仔樣……」傑仔強調:「其實細心留意係見到少少,只係唔係咁清楚啫!」阿智續說:「好有神秘感,見到少少,好似新娘嘅頭紗,到開騷嗰日就會揭開畀大家驚喜。」
fit咗又靚仔咗
5年沒開騷,草蜢笑言轉行做運動員,不時在IG公開跑步和健身的生活片。阿智笑說:「呢幾年我哋無出國,更加無去韓國,所以Fit咗靚仔咗都係因為運動多咗,準備咗咁耐終於可以上紅館騷畀大家睇,草蜢2.0 版!」會否台上騷肌?他們笑笑要賣關子。不過,為了帶給粉絲快樂回憶,他們打算在演唱會期間,搞PopUp Store,除了設計不同紀念品,更會製作大型紙牌海報供影相留念,