程人富與拍拖逾11年的中學同學梁雅瑩拉埋天窗。
現年34歲的程人富（原名：程仁富）是「小薯茄」YouTube頻道創辦人之一，去年1月他在社交網宣布求婚成功，並冧爆表示：「我哋決定以後都要喺埋一齊喇，多謝妳一直以嚟嘅支持、照顧同愛護，以後都會繼續俾妳支持、照顧同愛護。」昨日（25日）聖誕節他終於正式升呢成為人夫。
排場十足
程人富與拍拖逾11年的中學同學梁雅瑩拉埋天窗，二人早前分別去了加拿大及韓國拍攝浪漫婚照，昨日聖誕節，有網民在如心廣場偶遇這對新人，見二人跟足傳統著中式禮服，程人富穿上大紅喜服，而新娘則穿上裙褂，頸上更掛滿多對龍鳳鈪兼金器，同時亦有多位兄弟姊妹傍住，排場十足，相當搶眼。該網民在社交網分享相片，並寫道：「唔覺意俾我發現咗，頭先俾camman問我哋有咩同富哥講，我個腦反應唔切，淨係講左新婚快樂，依度補返俾你哋，祝百年好合，永結同心，幸福快樂」。
ADVERTISEMENT
請你睇尋秦記👇原班人馬重現大銀幕🤩
