稱曾志偉運滯 鍾鎮濤做女兒經理人

鍾鎮濤前晚出席音樂頒獎禮，他透露有內地音樂節目邀請他與女兒鍾懿合唱：「搵我有、搵我個女有，搵我哋合唱嘅又有，我呢幾年都一直幫佢推job！佢依家應該以學業為重！」鍾鎮濤坦言將來會考慮親自當女兒的經理人。
 

提到曾志偉早前在日本遇交通意外，並傳出醉駕所致，曾志偉早前發聲明澄清沒有醉駕，鍾鎮濤表示信任和關心，並說：「佢講咩我都信！我覺得佢最近運氣唔係幾好，好多唔好嘅事，都去到佢身上，所以希望佢盡快度過運氣唔好嘅日子。」