陶大宇笑言識郭政鴻時，大家還是「小鮮肉」。
ViuTV節目《友枱VIP》，請來陶大宇、郭政鴻擔任嘉賓，二人識於微時，陶大宇笑言識政鴻時大家還是「小鮮肉」，郭政鴻即回應，現在是「午餐肉」，陶大宇聞言即說：「係落咗防腐劑嘅午餐肉。」二人又分享神劇《大時代》的拍攝趣事，及經典單手掩面動作表情背後的秘密。
陶大宇透露：「雖然係人稱呼政鴻都叫『鴻爺』，不過政鴻係我心中，永遠都係『鴻仔』，佢好可愛又精靈，無咗佢響片廠我會悶到『死狗』咁。」可見二人感情深厚。
愛為角色設計小動作
郭政鴻說，當年拍攝《大時代》跳樓戲前，有問陶大宇會如何演出，郭政鴻說：「我問佢點做啦，大宇就答：『冇呀，求其演』，到真係拍攝時，佢七情上面、仲要耍手擰頭，咁就成為經典。」郭政鴻又即場示範那個場口的gif，並表示：「我響後面O晒咀，心諗大宇哥，你真係明跣我。」陶大宇則感謝網民留意，令他在《心花放》的單手掩面動作成為經典，更集合了共30集的單手掩面截圖，並製作emoji，他說：「因為當年飾演嘅角色，係一個要照顧細佬妹日常生活嘅哥哥，基本冇咩特別，於是我就為角色設計咗啲小動作，嚟表達喜怒哀樂。」
陶大宇感謝網民留意，令他在《心花放》的單手掩面動作成為經典。