2025-05-31 13:48:00

端午節2025｜安德尊見TVB龍舟隊又輸寸爆王俊棠鍾志光亦忍不住笑「被人搞掂」

今日是端午節，沙田城門河舉行《沙田龍舟競賽2025》，一如此往無綫派人參與，除了有王俊棠作為代表外，今次加埋黃建東，亦有港姐到場為TVB龍舟隊打氣。每年安德尊都因為TVB龍舟隊包尾而勞氣，並怪責王俊棠。

安德尊落選因王俊棠

今年安德尊與麥美恩拍住主持，在TVB龍舟隊出場前，二人提起公司如何挑選隊員，安德尊說︰「好似《中年好聲音》咁要甄選，之前嘅海選我每年都參加，年年公司都安排我同王俊棠企埋一齊，佢一定著背心！」之後再擺出棠哥展示肌肉的手勢，並指自己落選全因棠哥。

麥美恩其後表示代表一眾港姐為TVB龍舟隊打氣，她說︰「無論棠哥快與慢，最緊要大王請食飯！如果你哋無敵鴛鴦剷，我就會擺和頭酒。」大王聞言︰「棠哥一定掉頭走啦！」

寸王俊棠年年輸

當TVB龍舟隊出戰無綫盃時，麥美恩著大王講些好說話，大王說︰「王俊棠係TVB龍舟隊靈魂之首，每年我都寄望佢係勝利靈魂之首，但咁多年都係未能勝出嘅靈魂之首，咁樣係咪難受呢！」之後再介紹港姐將授旗予TVB龍舟隊。

黃建東助陣

鏡頭一轉見到王俊棠、黃建東及TVB龍舟隊成員士氣高昂，棠哥表示今年人強馬壯，「仲有東哥係度，一定掂，今次我哋係咪有機會呀？(有！)係咪好有信心呀！(係！)大家睇住呀！」之後再率眾人大叫口號︰「TVB！TVB！TVB！今年一定win！」鏡頭亦傳來大王聲音祝大家旗開得勝。麥美恩指每年只得端午節才可以集合公司不同部門人士聚在一起。

鍾志光︰似乎係被人搞掂多啲！

TVB龍舟隊在第5線道，賽事開始時，鍾志光表示「一如以往，我哋係志在參與」，更指棠哥專程從中山回來，他續說︰「一條心，一條船搞掂佢，但似乎係被人搞掂多啲！」鏡頭見到TVB龍舟隊包尾，鍾志光說︰「我哋TVB隊夾係中間，唔算太慢，係唔夠人快咁解！」之後TVB龍舟隊消失在鏡頭中，未幾再見到TVB龍舟時，鏡頭便轉走，鍾志光說︰「個攝影師咁嘅！睇多陣都唔得！」