李居明率領龍貫天、陳咏儀及陳鴻進等拜神及接受訪問。(娛樂組攝)
李居明大師當代粵劇團創業鉕製《粵劇特朗普》於西九戲曲中心上演，共四場演出全部售罄，而且今次更吸引了多間海外媒體到時採訪，場面虛冚。
昨日傍晚大師率該劇全體主要演員，包括「特朗普」龍貫天、「澤肥斯基」陳鴻進及陳咏儀、新劍郎、鄧美玲等進行拜神儀式。
李居明指今次《粵劇特朗普》吸引了路透社、CNN以及日本媒體來採訪，甚至有俄羅斯傳媒到場。他坦言能獲得國際傳媒廣泛報道，笑謂「特朗普」為香港爭光，迫使他罕有以英文做訪問，「傳統粵劇好少吸引外國媒體嚟訪問，證明本土製作嘅粵劇係可以踏出國際，因為佢唔係傳統，但我哋擺咗好多傳統元素令佢好特別。《粵劇特朗普》可以獲得外國注目，我係好開心，因為製作咗一部令國際重視，係幫咗香港吐氣揚眉。」
廣東粵劇提升至國際水平
他續說：「同時亦代表廣東粵劇可以提升至國際水平，亦都期盼呢部戲令外國人鍾意廣東粵劇，甚至吸引佢哋唱粵曲。既然外國人都咁鍾意，亦都相信中國人更鍾意，希望有一日喺有中國人嘅地方上演，欣賞呢部戲，因為係講愛與和平嘅，主題係講放下，等大家睇完覺得唔好咁執着。」
他表示有外國媒體建議《粵劇特朗譜》搬到美國上演，大師表示未有足夠能力及財力，始終要和大佬倌度期，加上要過百人到海外演出是非常有難度 ，透露有馬來西亞投資方接觸，亦有計劃在澳門上演。
李居明直言始料不及獲外國多間著名媒體採訪，自己亦很驚奇外國人也對《粵劇特朗普》感好奇，加上反應非常好，有意在短期內重演。他說：「原本係計劃一年後重演，但想短期內再上演，始終大老倌嘅期好有難度，場地會努力物色。」
李居明非常高興，因為《粵劇特朗普》獲得外國傳媒關注。(娛樂組攝)
立即更新/下載AM730手機APP 體驗升級功能
