素海霖到家居博覽為品牌宣傳。(娛樂組攝)
素海霖以「繪麗奈」身份進軍日本AV界後知名度大增，今日她到會展出席家居博覽為品牌宣傳廁所、沐浴產品，吸引大批男士到場等候，令現場水洩不通。素海霖在活動上表示自己是有潔癖的人，對廁所要求特別高，但奈何現時只是租屋住，自己希望日後儲到錢買大屋，大搞浴室廁所。
又吸引另一批haters
談到她對一次與haters見面會，多位haters笠水，她表示那次活動之後，吸引多了不少支持者，但也吸納了新的haters。她稱當中不少人指她沒有工作，她說︰「我份工唔係24小時，就算拍劇都有空檔覆網民訊息，佢哋成日都拎呢樣嘢攻擊，我下次會拎張糧單俾佢哋睇！當然佢都要做返一啲嘢先俾佢睇，等價交換。」
一直等《一路向西2》開拍
對於《一路向西2 東京AV攻略》遲遲未開拍，素海霖表示已收了5位數訂金，「如果同得我講幾時拍，我係隨時候命，依家我收咗人錢，係我欠佢哋。我會一直等佢哋。(會等到幾時就放棄？)我無定個時限，我收人錢無資格同人講時限，斷估唔會等到我40歲哇！但佢哋要我拍，幾多歲都OK！」她又指現時經濟欠佳，就算演員減價接拍也無補於事，因為還有其他支出，加上香港人睇戲模式改變，很難回本。
素海霖表示會一直等候《一路向西2 東京AV攻略》開拍，因為自己收了訂金。(娛樂組攝)
同女仔錫錫滿足男士幻想
對於有網民希望她與袁嘉敏一齊合作，她表示歡迎，「網民見到我同任何女仔合作都應該OK，因為佢哋未見過我同其他女仔錫錫，對男仔來講好有畫面。(有冇心理關口？)拍AV我唔會，但電影就OK，現實我就唔會，我鍾意男仔。」問到有沒有其他公司邀合作，她稱有人邀演舞台劇，但最後拒絕，全因對方的要求，自己覺得不太合理。
素海霖坦言自己麻煩多多，因為會將合作條件傾清楚，一定會保護自己。(娛樂組攝)
要求不合理會推job
她說︰「其實我係推咗好多工作，因為個價錢俾唔到我，我係唔會減價，二來我係一個好麻煩嘅人，要互相尊重，唔可以俾完錢又要求做乜做乜。(點解推個舞台劇？)因為要我全程著三點式，我覺得唔太合理，除非係俾好多錢，但我都要諗諗，你見我係香港衣著都係好密實，要係咁多人面前著到咁，自己會好唔志在。我雖然拍AV，但我係好怕羞。」
距離她的相展還有一個星期舉行，問到她的私處作進展如果，她稱進展尚可，因為仍忙於準備其他東西，她坦言自己對上一次畫畫已經是小學時候，中學美術堂都是請槍找同學幫忙。
立即更新/下載AM730手機APP 體驗升級功能
