細細粒陳嘉佳減肥後反彈陷平台期 一個月無工開回復暴飲暴食
陳嘉佳（細細粒）肥妹仔形象深入民心，過往曾透露加入TVB第二年獲美容纖體公司老闆張玉珊用七位數字酬勞邀請佢代言，承諾會幫佢減到120磅，不過被王祖藍大力反對，指細細粒嘅形象帶畀佢嘅嘢會比代言酬勞多。
一度由286磅減至150磅
不過，細細粒於2023年因健康響起警號而決心減肥，曾一度從高達286磅減到約150磅，仲即興影咗一輯婚紗相，展示瘦身成果。近日，有網民發現細細粒嘅身材反彈；日前細細粒亦拍片坦承復胖，並指自己狀態差，回復暴飲暴食。
近日，細細粒拍片自駕遊及到五台山行山。從影片中看到，身穿寬鬆黑衫、紮丸子頭的細細粒氣喘喘，身材比之前明顯發胖。她坦言陷入瓶頸期，放棄飲食管理，吃喝都好放縱：「整個人的狀態也不是很好，已經一個多月沒有工作了。」
唔少網民留言關心，有網民坦言減肥係好難堅持的事，提醒細細粒要注意身體：「好快又肥到300磅」、「不能吃那麼多宵夜了」、「減肥真的很難堅持下去，半途放棄的真的會打回原形」、「加油。別又來回胖回去」等等。
原文刊登於 Yahoo 娛樂圈
