2025-07-09 17:45:00

細龜黃一山逆市開店愈做愈旺周星馳開戲婉拒探班無hard feeling

細龜黃一山過去多年一直在內地打滾，近年更開設網上帳號拍片跟大家分享昔日拍戲點滴。早前他更進軍商界，在深圳開修腳店，愈做愈旺連開多間分店。今日(9日)他到紅磡出席電影活動，他笑謂要將戲癮變成生意癮。

黃一山表示有戲癮，但沒有人找他拍戲，自己亦有感過了「高峰期」，專注搞生意。(娛樂組攝)

搞生意為囝囝未來鋪路

談到最近經濟環境轉差，細龜表示生意的確受影響，「做老百姓生意係好做，有錢人未必去我哋啲細店，但老百姓就覺得平，消費得起就多啲嚟，我哋密啲手。(賺到第一桶金未？)依家金價好貴，夠養老退休。我退休無問題，但我細仔就快畢業，要幫佢諗下，要俾門生意佢做下，傳承下，依家好難搵工做！」他指囝囝比較有興趣開餐廳，自己亦希望他可以開到十多間餐廳，笑言這樣才可以叫自己做「行政總裁」。

他透露細仔現時在北京大學攻讀心理學碩士，明年畢業，有感囝囝學的東西出來比較難搵工，所以自己會先讓他出去闖蕩，如果外面環境比較困難，才回來幫他打理業務。他坦言有戲癮，但沒有人找他合戲，現時寄情做生意。

星爺婉拒探班

問到跟周星馳有沒有聯絡，細龜表示有，早前更打算到深圳探班。他說︰「佢最近喺深圳到拍《少林女足》，我有搵中間人聯絡佢話想探班，之後星爺傳話有心啦，太遠唔使過嚟。」他表示當時自己在廣州，距離深圳並不遠，但因為星爺很相信是偶遇，所以不會專登過去。他說︰「星爺好信緣份，佢好信偶遇，如果今日個影展佢有嚟，大家見到就會好開心啦，佢就覺得咁係一個緣份。期待下一次見面！(叫佢去你啲餐廳？)我都想佢去，我啲餐廳太老百姓，佢未必會去，一出現就好墟冚。」他表示很了解星爺想法，自己沒有被拒探班而感到不快，會期待下一次大家見面。