朱栢康和駱振偉均有份參演《絕命法官》，但兩人沒有對手戲。(吳康琦攝)
朱栢康和駱振偉(Thor)一對「老Best」日前齊齊出席劇集《絕命法官》發布會，兩人繼《破·地獄》後再度在同一作品出現，但沒有任何對手戲。原來兩人除了在2019年的ViuTV劇集《黑市》單元《斷片》有對手戲，從未試過再度同框，朱康笑言用念力推走Thor，我日常生活已經成日見到佢，做咩做嘢仲要見到佢！」不過，Thor就大爆朱康私下經常在他家裡過夜。
其實兩人best關係因在《破·地獄》慶功宴上激咀而曝光，令駱媽媽起疑心會錯意，「我唔想再約我媽咪出嚟解釋，嗰次之後，其實有後續，我即刻約咗阿媽出嚟同佢見面。」朱康補充說：「伯母有問，阿仔你係咪㗎？唔怪之得阿康成日上嚟屋企！」後來，Thor安排媽媽與獲得金像男配的朱康面談合照，才放下心頭大石。不過朱康轉頭又表示，「我屋企人好free，覺得我大個仔。」兩人期待有BL工作機會，Thor建議開Live試水溫，朱康即大膽建議：「好似平時咁瞓喺你大髀？」兩人一來一往，又扮纒綿會照，大放笑彈。
談到《破·地獄》代表香港出戰奧斯卡，朱栢康直言「好開心，從來都冇諗過可以同奧斯卡有關係，呢個狀態已經好好，希望可以更上一層樓，希望可以喺紅地氈見到你哋，(信心太唔大？)有！」上次金像獎拎男配角爆喊，朱栢康諗定「萬一」爭獎成功：「試吓唔喊先，但都袋定兩包紙巾！」
ADVERTISEMENT
