有香港網民在韓國機場捕獲一名靚仔，及後才發現是已進軍K-POP界的港產偶像。
近日有本地網民在IG分享影片，拍下在韓國機場捕獲一位「偽韓仔」的影片，由於對方發現被偷拍後反應及舉動有趣，繼而引發不少討論，獲多逾5萬網民派like讚好。
有香港網民日前在機場巧遇一位顏值極高男生，當時拍片者不知道對方是香港人，與朋友用廣東話討論他的樣貌，並寫：「同朋友係隔離討論咗勁耐覺得好靚仔，仲以為係韓國人，結果係香港人，懷疑佢耳機根本冇聽歌，聽哂我哋講咩…」從影片中見到，對方聽到廣東話討論自己，表情既尷尬又無奈，不過亦有陰陰嘴偷笑，之後再舉起手上的特區護照示意自己是香港人，而照片一出，大批網民即留言回應「點解唔問佢攞IG？」、「唔洗懷疑一定冇播歌」、「反應好可愛」、「Omg我要俾呢條片吸入坑了」，查實這位港產靚仔名叫SING（麥駿昇），前年已在韓國出道，屬九人男團XODIAC的香港成員，而XODIAC於兩年前進軍K-POP界，成員來自韓國、香港及印尼，組合曾屬古天樂旗下，不過去年已脫離One Cool（天下一集團），隸屬由施念慈創辦任CEO的經理人公司Jacso Entertainment。
