2023-09-05 15:55:24

網民揀選藝人做老婆謝安琪／李佳芯／陳煒入選蘇姓短髮藝人居然榜上有名？

唔少人都會以「結婚」為前提拍拖，咁男人喺揀老婆嘅時候會有啲咩條件呢？近日有網民喺討論區以「如果畀你揀一位藝人做老婆，你會點揀同點解？」為題出PO，結果引起網民熱烈回應，當中有索爆人妻、單身女神及已經連過60廚藝了得嘅前電台主持。唔講咁多，而家就同大家睇下邊10位最多人揀啦！

郭藹明

郭藹明（Amy）以當年碩士生身份參選1991年度香港小姐，當時贏得冠軍、國際親善小姐及最佳談吐幽默獎；之後參選1992年國際華裔小姐競獲得亞軍及最佳民族扮相獎。喺入行後，郭藹明參演過唔少經典劇集，不過佢喺1998年下嫁劉青雲後便淡出娛樂圈，婚後二人人前人後都十分恩愛，絕對係娛樂圈嘅模範夫妻。唔少網民都大讚佢係好老婆嘅首選，例如「智慧型女性記得好似幾高學歷」、「靚有智慧真心對老公好娶老婆呀唔係溝女呀呢個老婆返到屋企一定係溫柔關心你支持你工作得閒傾下計分分鐘有得著見到佢就條氣順哂呢啲係男人最需要老婆嘅地方」、「如果唔計年齡郭藹明有學識有修養」及「叻得嚟又溫柔又肯做小女人」等等，更有網民話劉青雲前世一定做咗好多善事，今世娶到個咁好嘅老婆。

蘇玉華

實力派演員蘇玉華與「劇團王子」潘燦良拍拖多年，期間一直非常恩愛，直至2020年入紙註冊結婚。唔少網民仲記得玉華係《美女廚房》嘅冠軍，大讚佢入得廚房出得廳堂、有氣質及性格唔差：「蘇玉華啦真係入得廚房出得廳堂睇佢煮野食真係有料好吸引樣又唔算太差」、「N年前美女廚房冠軍」、「佢好靚女，好有氣質。真情個FEEL好幸福太感覺。」及「首選一定係蘇玉華出得廳堂唔洗講性格唔知但感覺唔差得去邊樣又ok，身材唔算最top overall一定係頭三最適合」等等。

陳煒

上年與陳國強醫生結婚嘅陳煒（煒哥），樣貌身材均保養得宜，唔少網民都大讚佢係美魔女。除此之外，佢真係好戲又煮得之人，難怪唔少網民都認為佢好「wife-able」：「煒哥50歲人仲keep到咁靚樣、身材、留短髮都咁掂仲要識煮嘢食，正宗入得廚房出得廳堂」、「煒哥已經贏左，一睇就知係旺夫」及「幾正有時覺得佢有種賢良淑德嘅感覺」等等。

苟芸慧

苟芸慧自從2018年與富三代兼賽車手陸漢洋結婚，之後就甚少出現在幕前，不過網民都冇唔記得佢，仲話佢顛峰時期嘅外貌及身材絕對係no.1。另外，苟芸慧仲去咗巴黎學廚考藍帶廚藝文憑課程，喺廚藝方面絕對唔使擔心！

蒙嘉慧

有唔少情侶及夫婦都會因男方打機而鬧交，所以如果有一個熱愛打機嘅另一半，絕對羨慕死唔少朋友。蒙嘉慧（Yoyo）與老公鄭伊健同樣熱愛日本文化，二人除咗經常前往日本旅遊之外，更同樣係打機迷，所以唔少網民都認為鄭伊健娶到蒙嘉慧係一件好幸福嘅事：「又真，唔介意老公成日打機，仲有講有笑，呢啲老婆邊到搵」及「打機、行山、做GYM乜都得」。