羅啟豪於年初二跟李龍基北上登台。
羅啟豪今個農曆新年非常忙碌，年三十晚與《中年好聲音》一、二季參賽者及無綫藝員歌手出席農曆年倒數，初一為一年一度的花車巡遊擔任表演嘉賓，初二便與李龍基到中山登台，日前更與歌迷會「豪吧」一齊新春團拜，近 150 位豪殼（歌迷暱稱）過新年。羅啟豪整個新年都忙過不停。
羅啟豪與歌迷會「豪吧」一齊新春團拜。
羅啟豪與fans在新春團拜上，其中一個活動有啟豪親手為fans即場製作香蕉蛋糕，他表示因為時間闔係，於是在家中先準備了9底蛋糕，來到現場才再整4底，「呢個食譜係我好幾年前學嚟整俾朋友食，朋友嘅反應都唔錯。豪殼一直對我咁好，我好開心今次可以親手做返少少嘢送俾佢哋，表達我嘅心意！」
不過，活動就發生一個小插曲，可能因為不習慣用別人的焗爐，啟豪放蛋糕入焗爐不久，墊蛋糕的牛油紙著火，好在有開餐廳的啟豪二家姐監場，她秒速用毛巾冚熄，贏得在場豪殼掌聲之餘，亦令啟豪可以繼續放心烘焙。等候蛋糕出爐期間，豪殼爭取時間同豪殼再玩遊戲同埋為大家獻唱八首歌。當中有廣東話、國語同英文歌，其中一首仲係英國豪近日喺自家 YouTube 頻道「歌曲重Sung」系列嘅第五首作品，亦係葉蒨文舊作——《回歸自然》，令團拜猶如一個小型音樂會。
今次活動請來《中年好聲音》第一季（中一）參賽者「本地豪」馮志豪做主持，二人在活動上合唱一曲《左右為難》。馮志豪表示：「好開心收到 Ramon 嘅邀請，成就我哋中一生所稱嘅「雙豪拼盤」嘅首度二人合唱，實在令我覺得好激動、好振奮！」
另外，佢對豪殼亦表示欣賞：「豪殼疼錫啟豪就聽得多，今日終於可以第一次親眼目睹，覺得佢哋好可愛！譬如啟豪話將蛋糕食譜嘅糖份量減半，豪殼即刻高呼：『嘩——！！！』去鼓勵佢；啟豪話將香蕉嘅份量加倍，由兩隻變四隻，佢哋又為佢歡呼，總之啟豪做乜豪殼都會：『嘩——！！！』，令現場氣氛非常高漲，亦睇得出佢哋真係好錫 Ramon！而我今日觀察到，Ramon 對佢每一位嘅豪殼都好體貼，為每一位豪殼親手送上蛋糕同埋合照，所以真係抵豪殼咁錫佢！」
現場張貼多張手寫毛筆字揮春，啟豪分享話，來其中一位豪殼是書法大師，佢除了用啟豪將發布的新歌歌名《相信 相信》親筆揮毫好多揮春用來佈置會場之外，亦送予啟豪同豪殼留念。除此之外，對方仲用啟豪兩個字寫了一句對聯——《啟程放懷天地外 豪邁信步山水間》，非常有意思。
大家都非常開心！