3人在席上擺出大型心心手勢。
胡鴻鈞、羅天宇及何依婷等，前晚出席劇集《十月初五的月光》首播會，3人均稱拍攝此劇非常辛苦，羅天宇、何依婷就指經常濕身，胡鴻鈞更自爆曾經骨裂，所以非常期待劇集的播出。
皮膚容易敏感的羅天宇更自爆每次開工底褲濕透，「我哋由冬天拍到夏天，戲服全部係大褸，冬天開工就舒服啲，夏天真係拍到底褲都濕，我要帶定一、兩條內褲喺車度替換。」何依婷被問到是否一樣拍到內衣全濕，她笑說：「我冇喎！不過我有攝啲冰袋喺衫入面，半個鐘頭換一次，(咁咪顯得好有身材？)好細包啫。」說到羅天宇容易出汗，她笑稱：「可能佢身上香水味太香，完全聞唔佢有臭汗味。」
何依婷指戲服太厚，曾拍到中暑要睇醫生和服藥。
唔怕觀眾比較新舊版本
胡鴻鈞拍劇時曾發生意外導致骨裂，他笑指：「好事，我見紅嘛，代表收視長紅。(可擔心觀眾會將劇集新舊版本作比較？)唔怕，因為一切已成定局，劇集已經拍完，(會否叫蔡思貝捧場？)冇特別叫朋友睇，好嘢自然有人欣賞，一傳十，十傳百，唔會刻意宣傳。」