明星足球隊贏獎盃超開心。（娛樂組攝）
由譚詠麟率領的「香港明星足球隊」在《樂動新城．慈善運音會》對戰「香港傳奇足球隊」，羅家英、黃日華、劉洋及李金凱、孔德賢等上場踢波，並贏得獎杯。
黃日華表示今次好開心可以跟大家踢波，因為他們年輕時已望住對家球員代表香港踢波，好榮幸可以同場較量。華哥表示今次因為他們讓賽才獲得獎盃，家英哥更稱每當他控波時，大家都會散開及大叫「家英哥，上啦！上啦！行開！」
提到家英哥落場的表現不錯，他自言差了少少，但汪阿姐汪明荃未有阻止他去踢波。問到誰是重點球員，家英哥即自認是吉祥物，「大家有冇聽過魔西過紅海？（係咪個個讓開）唔好咁大聲講，令我好難堪。哈哈！」華哥表示每次有家英哥出現，球隊都有好成績。
華哥表示現在體力不能撐足全場，現時主力幕後工作，帶明星足球隊周圍去踢波。談到明星足球隊成立40周年，華哥表示會集體食飯，9月會到內地多個地方巡迴踢表演賽。家英在旁始乎不太知道，並稱自己非常忙碌，可能未能參與。
他們又笑言家英哥是「攞你命3000」武器，華哥指每次家英哥都會請大家飲茶，但都不及鄧兆尊出手闊綽。華哥稱兆尊會自掏銀包，當獎金給球隊，而家英哥也會夾份。問到家英哥要不要向汪阿姐申請，他表示不用。
談到近日家英哥接受不同訪問，他說：「唉！唔好提啦！唔好講啦！阿姐話我大嘴巴囉！唔係又講，係又講，亂咁講嘢，俾人亂咁啄住，令佢唔開心囉！」他坦言網上有很多人亂講說話，又不用負責任。他說：「啲人鬧死光頭，死男人，阿姐無理由鍾意你！我都無得反抗，人哋鬧完你，唔通又鬧返佢咩？無謂啦！」
問到有沒有後悔接受訪問，家英扮勞氣說：「有！搞到你哋係咁問，係咁答！查咩欣係咁啄住嚟講，見係自己友咪講多啲，點知仲衰！佢仲問我床事個啲，唉，最唔好呢啲嘢，我都話切咗做和尚啦！（仲做唔做呢類訪問？）唔好啦！最衰無錢！」
識及Edan開騷，家英哥自爆做嘉賓，並謂會一齊唱《Only you》，期後他突然醒起不能講，搞到全場爆笑。
明星足球隊上陣花絮：
ADVERTISEMENT
😋請你嘆香港迪士尼20周年下午茶👇立即登記👇
