羅毓儀與林俊其蜜運中。
羅毓儀透露在台慶將與《女神配對計劃》幾對CP一齊表演，屆時會跳舞，她與林俊其（Kris）更會jam歌，更笑言彩排時與曾展望、葉蒨文一齊鬥閃。
有網民幫Yuki計算過，她與Kris拍拖了一百日，她大讚網民犀利，亦開心見到有網民幫他們剪了些一齊相處的影片。問到有沒有拍拖，她表示：「每一日都係慶祝緊。」可見她與Kris非常開心。
羅毓儀與林俊其相處愉快。
早前Yuki找來曾跟Kris傳緋聞的陳曉華拍片，問到她有沒有呷醋，她說我：「《女神》拍緊嘅時候，都有問過佢啲緋聞係咪真，佢都好真誠答我，同埋本身我同陳曉華都係朋友，都知道係一個誤會。」問到他有沒有特別關心另一半的昔日愛情史，她表示每個人都有自己的過去，與其糾結發生過什麼事，反而留意現在對方是否對自己真心才是重要。
談到Yuki的舊愛咪咪屋企發生火警，她表示有慰問對方，「我係一望到以為係CG，係咪依家興個啲AI，我即刻好擔心，都有問候佢同埋屋企人。起碼佢個人冇事，但損失係慘重嘅。都有同佢講有咩需要就要出聲。」問到Kris會否介意，她說：「始終呢個係個慘劇，問候一聲，係一個人要做嘅嘢，何況佢仲要係一個認識嘅人。」
ADVERTISEMENT
