肥媽近年是非纏身，她在節目中逐一解畫。
由肥媽、李家鼎（鼎爺）及游嘉欣（游游）擔任主持的全新飲食節目《肥媽李鼎打大佬》。昨日播出的一集，肥媽提起近年是非纏身，包括好友張學潤（Nel Nel）自殺、黃家駒送歌事件及捲入加密貨幣騙案風波。肥媽坦言原本非常困擾，並曾因此戒吃最愛的大閘蟹，但後來因為高人一句話，又重拾「吃蟹樂」。
肥媽提起張學潤自殺，當時她拍片稱Nel Nel沒有打電話給她，其後被網民力斥，著她收聲，她說︰「叫我收聲？你識佢幾耐呀？我認識佢30幾年，係我拉佢入行！」
至於家駒送歌一件，肥媽說︰「係人都知道嗰首歌係佢寫俾我，唔係我講，佢自己 (黃家強) 喺報紙講過話佢大佬作俾我架嘛，我係因為尊重佢先唱。」至於加密貨幣風波，她愈講愈勞氣︰「關我鬼事咩，我只不過喺度食甜品，人哋個電話影到，又話我有事喎，黐線架！仲話我有無收佣呀，我都唔知係乜嚟。就係嗰個師傅講得好，人紅是非多吖嘛，你食多啲蟹喇，無是非你無得撈架。」
